كيف تعرف انيِّ حبيتك ...؟؟؟

الثلاثاء يوليو 20, 2010 3:52 pm

اقدمت لكم اليوم قصيدة غنائية

من كتاباتي .. اخوكم صلاح عبيد ..

اتمنى ان ترقى لمستوي اذواقكم

****

كيف تعرف اني حبيتك ...؟؟؟

كيف تعرف اني حبيتـك .. كيـف تـعرف مانطيق جفاك

كيف تعرف اني غاليتك .. نذوب ذوبة شمعه ف ملقاك

كيف تعرف اني حنيت .. كل غلا في يوم ايزيد

كيف تعرف اني حطيت .. الدنيا فيد وانت في اييد

اشـبـح لنـظـرات اعـيـونـي

كيف صايف من قلة نومي

ثوانـي نـا انـعـد ونـرجـاك

كـــيـــف تـــعـرف انـي حـبـيـتك

كـيـف تعرف لي صرت نفس .. والـنبض اللي عايش في

كيف تعرف لي صرت ونس .. بلاك لحظة مانكون هني

كـيـف تـعـرف يـاغـالـي كـيف

ربيع عمري من دونك صيف

ووردي ذابــل صــار بــلاك

كـــيـــف تــعــرف انــي حـــبـــيـتـك

تــخـيـل لـيـلــي صـار ظـلام .. مـاقـابـل للـنـجـم عـلامــه

تـجـيـنـي حـتـي فـي الأحـلام .. نــقـفـز نــلـقـاهـا حـلامـه

ليش هكي نا ايصير معاي .. شي صاعب مالقيت اجابه

ليـش ماتبـقى دوم احــذاي .. لــيـش قـلـبـك قـافـلـه بابـه

جاوبتك عن كل اسئلتك

عاملني كي ماعامـلـتك

دلـلـنـي كـي مـادلـلـتك

رح تـلقانني رهن غلاك

كيف تعرف اني حبيتـك .. كيـف تـعرف مانطيق جفاك

كيف تعرف اني غاليتك

نذوب ذوبة شمعه ف ملقاك

تحياتي وتقديري

.
.
.

اخوكم .. صلاح عبيد .. مصراته